Mugdigii Nolosheyda Iyo Abaalka Aadmiga (Qiso Aad u Xanuun badan) Qeybtii 4aad

Nairobi: (V.O.N):-Markii uu wlalakiisa ii ogolaaday in uu ila sii joogo ,aniguna aan go’aansaday in aan u kexeeyo meeshii aan ku noolaa ee Magaalada Nairobi,intaasi Kaddib waxaan isu diyaariyey safar qarsoodi ah .

Waxaana kaga ambabaxanay magaalada Muqdisho safar dhinaca dhulka ah ,anagoo sii raacay gaari u socday Gobolka J/hoose xaruntiisa Kismaayo, markii aan tagnayna waxaan ka sii raacnay gaari ilaa Nairoobi.

Waxaana galnay Safar dheer oo aad u rafaad badan,waxaan wadada ku sii jiornoba,waxaan gaarnaya Magaalada Dhoobleey ee Xadka Soomaaliya iyo Kenya.

Nasiib daro qarashkii baa naga go’ay maadaam aanan horay ugu soo talo gelin in aan soo kexeeyo gacaliyeheygii Mahad balse markii aan arkay nolosha uu jiro iyo qaabka uu u noolyahay,waan u adkeysan waayay ,taasoo keentay in aan u soo kaxeeyo Magaalada Nairobi si halkaasi loogu dabiibo dhibaato dhanka maskaxda ka soo gaartay.

Waxaan wacay walalkeey oo ku noolaa dalka Ingariiska ,waxaan ku iri Abooow waan Xanuunsanahay ee ii soo dir lacag aan isku daweeyo ,waayo uma sheegi karin in aan Soomaaliya Joogo,wuxuu iigu maqnaa leen dacwo ah.

Markii aan sidaasi ku iri wuxuu ii sheegay in hada uu san heyn wax lacag ah balse uu bisha markeey dhamaato ii  soo diri doono lacag 300 doolar.

Dhibka Jiro ayaa ah hada ma heysano wax qarash ah oo aan ku kreysano Hoteel iyo Cuno,iskaba daa lacag aan gaari ku raacnee,xaalka baa nagu xumaaday yaab iyo amakaag baa iga soo haray ,gacaliyeheega hadana wuxuu nagu hayaa meesha naga kexee macaanto.

Waxaa horay loo yiri  Labo kala Bariday kala War la’ Waayo Mahada lama socdo halka uu xaalka Marayo,Anigana uma sheegin oo waxaan ka cabsaday in dhibaato kale ay maskaxdiisa gasho.

Hoteelkii baan iska deganahay habeenkii labaad anagoo wax lacag ah dhiibin,balse Milkiilaha Hoteelka aan ku qanciyay in Maamilnta Berito ah la ii soo dirayo lacg aana isku dhiibi doono labada maalmood qarashka aan isticmaaleynay ee ah Cuntada iyo Jiifka labadeena.

Gaabalkii baa soo dhawaaday ninkii Hoteelkana waan u balansanahay in aan lacgtiisa u keeno galabta ,waxna faraha kuma haayo,murugo baa i soo wajahsaday muuqaalkeygii oo dhan baa isbedelay naxdin iyo ceeb ,Hoteelkii baan aaday maadaama uu gabalka dhacay lacagna aanan heyn.

Maxaa Dhacay Intaas Kadib ? Mala Xiray? Mise Waa La Xirtay?

Dhamaan Su’aalahaan Jawaabtooda Kala Soco Axada Dambe Qeybta 5aad.

——————————————————————————————————————

Wixii Talo Dhaliil ama Caabasho ah Noogu Soo Hagaaji

Email:Codkaqaranka@gmail.com

Xafiiska Warqabadka Radio Codka Qaranka 

Nairobi-Kena

Voice Of The Nation