Ururka Dhalinyarada Soomaaliyeed Ee SYC Oo Baaq u Diray Odyaasha Soo Xulaya Baarlamaanka Cusub

Nairobi: (V.O.N):-Ururka Xariirka dhalinmyarada Soomaaliyeed ee lagu magacaabo Somali Youth Contact (SYC) ayaa baaq ujeediyay Odyaasha dhaqanka Soomaaliyeed ee  ku mashquulsan  xulida Xubnaha Baarlamanaka Soomaaliya  si ay baarlmaanka soo socda oo u nqodo baarlamaan  garanaya howsha loo idmaday isla markaana aqoon sare leh.

Gudoomiyaha Ururka C/llahi Maxamed Cali Iidle  oo haatan ku sugan Magaalada Nairobi ayaa ugu baaqay Odyaasha iyo gudiga Farsamada in ay iska dhaafaan is jiidjiidka iyo qilaafka faraha badan isla markaana ay ka faa’idaystaan waqtiga yar ee ay haystaan iyagoo eegaya aayaha umada soomaaliyeed oo muddo 20 sano ah ku soo jirtay dhibaatooyin kale duwan,

“Ururku Somali Youth Contact (SYC)  waxaa uu mar walba jecelyahay daganaasho ka hir gala dalkeena Soomaaliya  sidasa darteed waxaan Odyaasha ka codsanaynaa maadaam aay yihiin Indhihii bulashada loona xil saaray soo xulida Ha’yda sharci dajinta ee ugu sareeysa dalka in ay soo xulaan dad tayo leh una eegaan aqoontooda iyo qibrada ay uleeyihiin dalkooda hooyo ayuu yiri Gudoomiyahay Ururka Xariirka dhalinta Soomaaliyeed ee marka magacooda la soo gaabiyo loo yaqaano SYC.

Ururkaan dhalinyarada ayaa ah Urur xili hore la aasaasay waxaana uu hadafkiisu yahay isku xirka dhalinyarada qaybahooda kala duwan waxaana inta badan uruku utaagnyahay udoodida xuquuqda dhalinyarta Soomaaliyeed isagoona sidoo kale ku dhiira galinya dhalinta Soomaaliyeed wax uqabashada dalkooda hooyo.

Ururkaan ayaa Page isku xira ku leh boga Facebook ee bulshada kuwada xariirta waxaana uu ugu tala galay page-kaas in ay dhalinta ku jirta ururka ee qaaradaha kala duwan jooga aragtiyadooda kale duwan isku dhaafsadaan isla markaana ujeedka iyo waxqabdka ururka lagu soo bandhigo.

www.Facebook.com/somaliyc

Hadaba si aad u Ogaato Ujeedka Ururkaan lagu Magacaabo SYC.

Halkaan ka Aqriso :Ujeedada iyo hadafka SYC.

Ururka shaqadiisa waxay tahay; isku keenista, mideynta talada, fikirka, maskaxda iyo awodooda dhalinyarada Soomaaliyeed. Wax uqabadka bulshada, hormarinta dalka, kuboorinta dhalinyarada qaadashada qalinka iyo buuga, iyo  kudadaalida qaranimada. Iyo cirib-tirka is naceebka, qabyaaladda iyo qoriga.

SYC uma dhisna dano shaqsiyadeed, dano gaar ah, Qabiil iyo Gobol midna, laakiin waxuu udhisan yahay danaha Soomaaliweyn, daryeelida iyo caawimaada dadka, iyo hormarinta dalka. Qofkasta oo Somali ah, leh caqli saliim, fakir wanaagsan iyo talo meel mar ah waa lagu soo dhawaynayaa kamid noqoshada SYC, waana loo baahanyahay fikirkiisa taladiisa, tageeradiisa iyo codkiisa, waana noo muhiim.

Lagama yaqaan SYC nin jeclaysi iyo ina adeer. Qofka waxuu wax ku noqon karaa aqoontiisa, howl karnimadiisa iyo in uu bulshada u dhanka wanaaga ujiheyn karo.

Wixii Talo Dhaliil ama Caabasho ah Noogu Soo Hagaaji

Email:Codkaqaranka@gmail.com

Xafiiska Warqabadka Radio Codka Qaranka 

Nairobi-Kena

Voice of The Nation