Mugdigii Nolosheyda Iyo Abaalka Aadmiga (Qiso Aad u Xanuun badan) Qeybtii 8aad

Nairobi: (V.O.N):-Subaxdii labaad ee aan ku suganahay Xerada Qaxootiga Xagardheer waxaan go’aansaday in aan la hadlo waalidkeey ,Maadaama aan markii hore ka soo dhuuntay oo aan waxba u sheegin.

Moobeelka ayaan si halhaleel ah u soo qabsaday anigoo ay iga muuqato baqtin xoogan oo aan ka qabo waxa waalikeyga  kala kulmidoono,sikastaba ha ahaatee waxaan wacay Numberkii hooyadeey Qamar, markii uu ii dhacay waxaa si dhaqsi ah iiga qabtay walaakeey Xasan Maxamed Shiikh,markii aan codkiisa maqlay waan ku naxay taleefankii waan jaray.

Qadar  daqiiqado ah kadib Waxaan niyadeeyda iska dhahay ma ku cunaa mise waad isla Jooogtaan, isku sheeg in aad tahay Ayaan Maxmed Sheekh.

Mar labaad ayaan ku celiyay Numberkii Hooyadeey,waxaa iga qabtay Hooyo Qamar waxaan ku iri” Hooyo Macaanto waa Ayaan Maxamed  waa gabadhaadii, hooyo xaalada kawaran?”

Hooyo ayaa durbadiiba la soo booday Hooyo ma nooshay xageed Joogtaa? Hooyo ma nabadqabtaa? iyo su’aalo kale.

Hooyo markii ay codkeyga maqashay oo ay hubsatay qofka lahadlayo in  aan ahay gabadheda Ayaan ,waxeey la dhacaday oohin, waayo ma aysan aamin saneen in aan noolahay waxaana iigu war dambeysay mudo labo bilood ah kahor.

Hooyadeey waxba uma sheegin,waxaana ugu sheekeeyay in aan Soomaaliya aaday oo aan ku fikiray hal bil oo hawo gedis ah,hase yeeshee ay igu adkaatay in aan dhaqso ku soo laabtao.

Hooyadeey markii aan u dhameeyay sheekada waxeey igu amartay in aan berito aan tick u soo jarto Magaalada Nairobi  ayna ii soo direyso lacag .

Go’aanka Hooyadeey kuma qancin,waayo hadii aan tick soo jarto waxeey noqanee in gacaliyeheyga Mahad aan ka soo tago,taasina waa mid igu adag.

Maalintii labaad Duhurkeedii ,waxaa i soo wacaday Hooyadeey waxeey ii sheegtay in ay ii soo dirtay lacagtii,iyadoona igu amartay in aan soo jarto tick-ka aana soo raaco baska soo baxayo galabtaas casirkeeda.

Waxaan aaday shirkada si aan u soo qaato lacagtii waxaana ay noqatay $50 oo kaliya mana nagu filno in aan ku  soo jid marno aniga iyo gacaliyeheyga Mahad waayo Mahad ma lahan wax sharci ah oo wuxuu u baahan yahay in lacag lagu bixiyo oo uu muqalas wada soo marsiiyo. Isla galabtii waxaa soogooye 2 tick-kid mid aniga ah iyo mid nolashadayda ah.

Waxaana raadiye muqalas wada soo marsiiyo nolashayda. Waxaa lii tilmaamay muqalasha ugu fiicnaay, markii aan utagay oo aan usheegay sida aan wax urabo waxuu igu dhahay “ taas way fududahay, waana shaqadayda, waadna igu ogtahay in aan keeyo Nairobi isaga iyo waxuu wato oo waxba kahalaabin, laakiin waxaa bixinaysaa lacag dhan $30” waxaa dhahay walaal taas way igu adag tahay ee wax iga dhin fadlan. Waxuu dhahay “walaal taas wax lagama dhimi karo, sidaan ayaa kugu naxariiste madaama aa tahay gabar soomaaliyeed”, waxaa dhahay aniga mabixin karo lacagtaas ee haday sidaas tahay ina adeeroow bye!

Waxuu idhahay muqalaskii “waad ku qasban tahay in aad bixiso lacagtaas oo waliba hada isiiso hadii aadan yeelina hada ayaa wacayaa askarta oo kuushegayaa, markaasna waxaad bixin doontaa lacag kabadan intaa aad hada diidayso”, markuu sidaas dhahay waxaa dareemay cabsi waxaana si dag dag ah kubixiye lacagtii.

Kadib waxaan aaday guriga si aan ula tashado jaceyleyga Mahad oo wixii dhacayna ugu sheego. Mudo gaaban kadib waxaan isku afgaranay in aan is raacno oo aan kala harin. Waxaan si wada jir ah u soo aadnay Boosteejada laga raaco basaska aada Magaalada Nairobi.

Waxaan soo soconaba waxaa soo gaarne buuntada magaalada Gaariso, waxaa la istaajiye gaarigii, isla markiiba waxaa dag dag kusoogalay askari kaas oo dadka waydinaaye Kiaandho, markii ugu danbayse waxuu nagu yimid aniga iyo gacaliyahayga. Isla markiiba aniga waxaa taagte kibaandhhaygii, waxuu isku fiiriye aniga iyo kibaandhaha, kadibna waa uu isiiye, aniga kibaandhaha waxaa kasoogooste Siyelow markii aan joogay Nairobi. Gacaliyahaygii ayaa ladhahay keen kibaandhada, nasiib daro waa uu fahmi waaye waxa ladhahay, aniga ayaa kulahadlay afsomali oo dhahay dhiib kibaandhada, isla markii uu eraga kasoobaxaye afkayga askarigii ayaa igu dhifte dharbaaxo oo idhahay aamus.

Mahad waxaa lagu dhahay  udag hoos, waxaana loo siidhiibay askari kale oo la aaday qol yar oo lagu haayo dadka aan lahayn sharciga inta aan loo siigudbin xabsiga wayn. Aniga horay ayaa kasoodagay waxaana udhaqaaqay mesha lageegaye gacaliyahayga. Waxaa isku daynay aniga iyo muqalakiiba in aan bixino lacag laakiin wa ay naga diidayn, waxyna dhahay “ninkaan xabsiga yaa ugudbineena ee iska taga yuusan gaariga idin katagine”

Itaasi Kadib Mahad Muxuu  Kala Kulmay Askarta? Mala Xiray Aayaan Ma ka tagatay ?

La  Soco Axada Dambe Hadii Allah Ogolaado  Qeybta 8aad.

——————————————————————————————————————

Wixii Talo Dhaliil ama Caabasho ah Noogu Soo Hagaaji

Email:Codkaqaranka@gmail.com

Xafiiska Warqabadka Radio Codka Qaranka 

Nairobi-Kena

Voice Of The Nation