Mugdigii Nolosheyda Iyo Abaalka Aadmiga (Qiso Aad u Xanuun badan) Qeybtii 15aad

Nairobi: (V.O.N):-Saaxiibteey oo aad uga xun in ay naga harto markii aan aadeynay goobta uu ku xirnaa gacaliyeheyga Mahada ayaa iigu jawaabtay Maya macaanto xaafada baan idinku sugaa qado baan idiin sii diyaarinaa caruurta qof aan uga tagto ma heesto Allaha idin garab galo.

Markii ay saaxiibteey sidaasi iigu jawaabtay ayaan  ku iri Macaanto Macsalaama waan baxeynaa insha”allah waan ku soo wacaa markaan gaarno xabsiga,kadibna waxaan u dhaqaaqay dhankaa iyo Xafiiskii UNHCR,halkaasi oo igu sugaayay saaxiibteey ninkeeda oo aan isku raci rabno Xabsiga uu ku jiro jaceylkeyga qaaliga ah Mahad.

Intaasi kadib waxaan gaaray Xafiiskii Hay’adda Misne waxaa hortaagan gaari cad oo ay ku buufsantahay calaamadda hay’adda UNHCR .

Waxaa na albaabka hore taagnaa Saaxiibteey Ninkeeda,wuuna ii wacay markii uu i arkay wuxuna igu dhahay gaarigaan gal waan baxeynaa hal daqiiqo kadib .

Daqiiqado Kadib Garigii wuu dhaqaaqay ,waxaan u dhaqaaqnay dhanaka Magaalada Gaarisa halkaasi uu ku xirnaa gacaliyeheyga Mahad.

Waxaan socanoba 4 saac kadib waxaan soo gaarnay Magaalada Gaarisa,anagoo nasan ayaan si toos ah u abaarnay Xabsiga weyn ee Magaalada Gaarisa si na loogu wareejiyo Mahad oo kiis kiisa ay damiin ka noqatay Hay’adda UNHCR.

Gaarigii baan si wada jir ah uga soo deganay Aniga ,iyo saaxiibteey ninkeeda oo ah shaqsiga Hay’dda u qaabilsan in uu Mahad soo daayo iyo weliba darawalkii gaariga,gudha ayaan u soo galnay xabsiga ,waxaana la kulanay ninka heysto Xabsiga oo na sugayay madaama horay loogu sheegay in kiiska Mahad ay damiinatay UNHCR sidaasi daraadeedna ay muhiin tahay in la sii daayo Mahad.

Markii aan la kulanay oo Madaxdii Hay’adda UNHCR uu saxiisay in kiiska Mahad ay la wareegaty Hay’adda UNHCR ayaa na loo ogolaaday in Mahad saacadaas laga bilaabo uu yahay qof xor ah ,askari baa loo yeeray waxaana loo dhiibay Magaca Mahada iyo Filkiisii si uu uga soo daayo qolka uu ku jiray.

Daqiiqad kadib waxaa na loo keenay gacaliyeheygii Mahad oo runtii midabkii iyo muuqaalkiisaba aan aad uga naxay sababtoo ah aad beey isku  bedeleen.

Islamarkiiba gacliyeheyga waxaan sii yay dhar cusub oo aan horay ugu soo iibaiyay ,waxaan ku iri “Gacaliye oradoo suliga gal dharkaana ku soo labiso,weynu baxeynaa”

Mahad oo weli jahwareersan ayaa igu yiri “Macaanto xageen aadeynaa ma Soomaaliya mise Nairobi’ waxaan ku iri Macaane waxaan hada aadeyhaa Xerada Xagar dheer ,todobaad kadibna ayaan soo aadeynaa Nairobi ,waxaana na soo qaadayo Gaariha Hay’adda UNHCR.

La  Soco Axada Dambe Hadii Allah Ogolaado  Qeybta 16aad.

——————————————————————————————————————

Wixii Talo Dhaliil ama Caabasho ah Noogu Soo Hagaaji

Email:Codkaqaranka@gmail.com

Xafiiska Warqabadka Radio Codka Qaranka 

Nairobi-Kena

Voice Of The Nation