Muqdisho:(V.O.N):-Top News: 10-Ciyaartoy Ee Sidii Laga Filayay Noqon Waayay (Sawirro)

Muqdisho: (V.O.N):-Riyooyinka Kubada Cagta Aduunka iyo Xidigaha La Jecelyahay.

Nairobi: (V.O.N):-Chelsea Oo Sanado Badan kadib ka wareegeysa garoonka ay ku caan baxday ee Stamford Bridge una wareegeysa garoon cusub oo lagu magacaabo Earls Court.

Dhismaha garoonka ayaa farta laga qaaday arbacadii tagtay ee shalay ahayd waxaana chelsea ay ku rajo weyntahay in cili ciyaareedka marka uu dhamaado ay u wareegto.

Inta badan taageerayaasha chelsea ayaa ka careysan falkaan maadaama garoonkaan Stamford Bridge ay ilaa 1905 ay ku soo ciyaarayeen, iyadoo arintaasi uu ka dhaga adeegay milkiile Roman Abramovich.

Garoonka ayaa ah mid baaxad weyn iyadoo cabirkiisa uu yahay 60,000,waxana lagu wadaa in june-ta soo socota ay ku ciyaar bilaabaan inta ka horeysana ay Junyerta ku sii aalamiiteeyaan

Nairobi: (V.O.N):-Xulka Qaranka Soomaaliya ee kubadda Kolayga ayaa caawa guushii labaad ka gaaray Xulka Qaranka Burundi ,iyagoo kag adkaaday 98-80 ,kulankii labaad ee ka tirsanaa qeybta B ee tartanka isreeb-reebka koobka Qaramada Africa ee kubadda Kolayga ee loo yaqaan (Basket-Ball).

Guusha Soomaaliya uu caawa gaaray Xulkeena Qaranka Soomaaliyeed ayaa ka dhigan in ay u gudbaan Semi Finalka kadib markii shalay ay 81-78 uga badiyeen Xulka Kenya.

Ciyaarta Semi finalka ayaa  Xulka Qaranka Soomaaliya waxeey la ciyaari doonaan labada xul ee kasoo baxa qeybta  group A.

Tartankan ayaa haadatn uu dhaxeeya dalalka la isku yiraahdo Zone 5 oo ka kooban ilaa 7 dal, waxaana lagu wadaa xulkii ku guuleysta in uu ka qeyb gali doono Koobka Qaramada Africa ee kubadda Kolayga oo bisha Augusto  ka dhici doona dalka Ivory Coast.

Wixii Talo Dhaliil ama Caabasho ah Noogu Soo Hagaaji

Email:Codkaqaranka@gmail.com

Xafiiska Warqabadka Radio Codka Qaranka 

Nairobi-Kena

Voice Of The Nation

Nairobi: (V.O.N):- Masuuliyiin ka tirsan kooxda kubadda cagta ee Banaadir Sports Club oo ka mid ah kooxaha heerka koowaad ee dalka Soomaaliya, ayaa magaalada Nairobi ee dalka Kenya kulan kula yeeshay Masuuliyiin ka socotay shirkadda Greenfiels ee qaabilsan dhigidda Cowska aan dabiiciga aheyn garoomada kubadda cagta.

Xoghayaha guud ee kooxda Banaadir SC, Abuukar Max’ed Sheekh, oo kulan dheer la qaatay Sophocles oo ahaa kabiirka ka socday shirkaddan, ayaa sheegay in ay ka wada hadleen sidii garoon ay dhisaneyso kooxda Banaadir SC loogu gogli lahaa Cowska Aartifishalka ah.

“Waxa ay inoo ballan qaadeen in ay nala galayaan heshiis aynu ku dhisaneyno garoon casri ah, waxaana ku ballanay ballanay in bisha March kulan kale yeelano” ayuu yiri Abuukar Max’ed Sheekh.

Shirkaddan oo laga leeyahay dalka Holland ayaa ah shirkadda dhigtay Cowska Aaritifishalka ah garoonka Banadir Stadium ee magaalada Muqdisho.

C/salan Xasan Daa’uud oo ah Khabiir dhinaca Isboortiga ah, oo kulanka labada dhinac ka qeyb galay ayaa saxaafadda u sheegay in tallaabada ay kooxda Banaadir SC ku dhisaneyso garoon casri ah oo Cows leh, ay tahay mid muhiim ah oo loo baahan yahay xilligan.

Waxa uu ugu baaqay dhammaan kooxaha heerka koowaad ee dalka Soomaaliya in ay tallaabo nuucaan oo kale ah qaadaan, si horumar muuqda uu u gaaro Isbooriga dalka mustaqbalka dhow.

Kooxda Banadir Sports Club oo horey loogu yaqaanay “Banaadir Telecom” ayaa xilli-ciyaareedkii dhammaaday ku guuleysatay koobka General Daa’uud, iyadoo horyaalka heerka koowaad ka gashay kaalinta afaraad.

By, Ibrahim gedow Awale (Biibbo)

Injineerka3@hotmail.com

Ciyaaryahan Lionel Messi ayaa ku guuleystay markii afaraad oo isku xigta xiddiga ugu fiican sannadka kubada cagta adduunka ee abaalmarinta FIFA Ballon d’Or ka dib xaflad caawa ka dhacday Zurich.

Messi ayaa abaalmarintan ka qaaday xiddiga kooxda Real Madrid Cristiano Ronaldo iyo saaxiibkiisa kooxda Barcelona Andres Iniesta.

Lionel Messi ayaa helay codadka ugu badan ee codadkii ay dhiibteen tababarayaasha xulalka qaranka iyo kabtanada xulalka qaranka iyo waliba joornaaliistayaal ay soo xuleen majalada France Football.

Messi ayaa abaalmarinta Ballon d’Or iyo Fifa World Player of the Year isku qaaday 2009kii, 2010kii waxa uu qaaday labada abaalmarin oo la isku daray lagana dhigay Fifa Ballon d’Or, 2011 mar kale ayuu ku ceshtay abaalmarinta xiddiga sannadka adduunka, 2012 ayaana haatan mar kale loo caleemo saaray xiddiga ugu fiican sannadka kubada cagta caalamka taasoo ah rikoor cusub.

Messi ayaa sannadkii dhamaaday ku riyaaqay isagoo jabiyay rikooro ciidaas ka badan, waxaana laga soo qaadan karaa rikoorkii muddo 40 sannadood uu hayay Gerd Muller ee uu jabiyay kaasoo ahaa goolasha ugu badan ee hal sanno uu ciyaaryahan dhaliyo, waxaana Messi uu dhigay rikoor cusub isagoo dhaliyay sannadii 2012 91 gool.

2012 sidoo kale waxa uu noqday ciyaaryahanka abid ugu goolasha badan kooxda Barcelona isagoo jabiyay rikoorkii Cesar Rodriguez.

2012 waxa uu sidoo kale noqday ciyaaryahankii ugu horeeyay ee shan gool ka dhaliya tartanka koobka kooxaha horyaalada Yurub intii loo bixiyay Champions League iyadoo Barca ay kulankaas 7-1 ku garaacday Bayer Leverkusen.

Lionel Messi ayaana haatan markii afaraad oo isku xigta ah laacibka sannadka adduunka.

Xigasho: Laacib.net

Muqdisho: (V.O.N):-Gudiga Olombikada Soomaaliyed ee GOS  ayaa doortay Hogaan Cusub ,kadib kulan ay isugu yimaadeen  Shirkii 6aad ee Gudiaga,kaasoo lagu qabtey magaalada Muqdisho.

Waxaana Goobtaasi lagu doortey hogaan cusub ee madaxda afarta 4- ta sano ee soo socoto uu yeel;an dooni Xiriirka Kubadda Cagat aSoomaaliaya.

Waxaana cod ka bixinayey ilaa 18 Mudane oo ka kala socdey xiriiro hoos taga GOS ururo iyo 5 zone oo ka socdey gobolada dalka.

Cabdullaahi Axmed Tarabi ayaa ku guulestay Jagada Gudoomiyaha Xiriirka ,isagoo ku guuleestay  cod gaaraya 18 ku heley , Ku xigenka 1-aad waxaa 17 cod Ku heley Axmed Xasan cabdi (Wataac) ku xigenka 2aad, Xasan Axmed Cabdi Elman,3aad Ibraahim Abuukar Shaamow, halka Xoghayaha loo doortey Duraan Axmed Faarax.

Sidoo kale waxaa halkaasi laga aqriyey magacyada gudiga fulinta ee GOS oo dhan 12, intooda badana ay yihiin gudoomiyaasha xiriiriada marka laga yimaado Khabiir Xaaji Maxamed Coloow,Cumar Baarajab,Abuukar Isloow iyo xubno kale.

Ugu dambeytii Waxaa Madashaasi ka hadashay Masuuliyiin ka tirsan Xiriirka Kubad Cagta Soomaaliyeed iyo Maamuulka Gobolka Banaadir,iyagoo dhamaantood si weyn u amaanay waqabdkii Madaxda Xirrirak Kubada cagta Soomaaliyeed.

Nairobi: (V.O.N:-Weriyaasha Soomaaliyeed ee ku nool magaalada Nairobi ee caasimadda dalka Kenya ayaa shalay gelinkii dambe ciyaar kubadda cagta ah oo ay ugu dabaal dagayeen xuska sanad guuradii 3 aad ee ka soo wareegtay markii la aas aasay webseedka Horyaalmedia.com waxa ay ku qabteen garoonka kubadda cagta Khaliif oo ku yaalla xaafadda Islii ee magaalada Nairobi.